25 верасня ў Брэсцкім дзяржаўным тэхнічным універсітэце адбылася сустрэча рэктара Сяргея Антонавіча Каспяровіча з кіраўнікамі ўстаноў агульнай сярэдняй адукацыі горада Брэста і Брэсцкай вобласці. Размова ішла аб супрацоўніцтве ў рамках работы профільных класаў (груп) інжынернай накіраванасці.

На сустрэчы прысутнічалі намеснік начальніка ўпраўлення агульнай сярэдняй, спецыяльнай і прафесійнай адукацыі – начальнік аддзела агульнай сярэдняй і спецыяльнай адукацыі Брэсцкага абласнога выканаўчага камітэта Чанава Таццяна Анатольеўна, прадстаўнікі ДУА «Брэсцкі абласны інстытут развіцця адукацыі» і 16 кіраўнікоў устаноў агульнай сярэдняй адукацыі з розных раёнаў: Маскоўскага і Ленінскага раёнаў горада Брэста, а таксама Брэсцкага, Жабінкаўскага, Івацэвіцкага, Камянецкага, Кобрынскага, Маларыцкага і Пружанскага. Яшчэ 16 устаноў прынялі ўдзел у анлайн-фармаце.

Удзельнікі сустрэчы абмеркавалі напрамкі ўзаемадзеяння з профільнымі класамі (групамі) інжынернай накіраванасці ў 2024/2025 навучальным годзе і намецілі шляхі павышэння эфектыўнасці работы з навучэнцамі для іх арыентацыі на інжынерныя спецыяльнасці.

Дырэктар ДУА «Сярэдняя школа д.В.Матыкалы» Трафімава Ірына Мікалаеўна выступіла з дакладам на тэму «Функцыянаванне інжынерных класаў (груп) на базе ўстановы агульнай сярэдняй адукацыі».

Дырэктар ДУА «Сярэдняя школа №4 г.Кобрына імя воінаў-інтэрнацыяналістаў» Фігурына Алёна Васільеўна прадставіла прэзентацыю на тэму «Ад STEM-адукацыі да інжынерных класаў».