27 мая 2025 года ў Брэсце адбылося ўрачыстае ўшанаванне прадпрыемстваў рэгіёна, якія сталі лаўрэатамі конкурсаў у галіне якасці па выніках 2024 года.

Старшыня Дзяржаўнага камітэта па стандартызацыі Алена Маргунова ўручыла ўзнагароды лаўрэатам конкурсу «Лепшыя тавары Рэспублікі Беларусь». Сярод лаўрэатаў — Брэсцкі дзяржаўны тэхнічны ўніверсітэт, адзначаны ў намінацыі «Паслугі насельніцтву» за выдатную адукацыйную, навуковую і інавацыйную дзейнасць. Акрамя таго, універсітэт удастоены спецыяльнай узнагароды» выбар спажыўцоў» у той жа намінацыі — гэта яркае сведчанне высокага даверу і прызнання з боку грамадства.

Таксама ўшаноўвалі пераможцаў конкурсу на суісканне прэміі Брэсцкага абласнога выканаўчага камітэта за дасягненні ў галіне якасці 2024 года. Рашэннем Брэсцкага аблвыканкама БрДТУ быў прызнаны лаўрэатам прэміі за высокія паказчыкі ў сферы выканання работ і аказання паслуг.

Віншуем калектыў работнікаў і студэнтаў Брэсцкага дзяржаўнага тэхнічнага ўніверсітэта на чале з рэктарам Сяргеем Антонавічам Каспяровічам з заслужанымі ўзнагародамі! Жадаем новых поспехаў і дасягненняў, якія будуць служыць на карысць Брэсцкага рэгіёна і ўсёй Рэспублікі Беларусь!