Брэсцкі дзяржаўны тэхнічны ўніверсітэт стаў цэнтрам прыцягнення для актыўных, мэтанакіраваных і таленавітых дзяўчат Рэспублікі Беларусь. На базе нашага ўніверсітэта адбылася маладзёжная Жаночая платформа «Тэрыторыя росту».

Гэта ўнікальная прастора, дзе кожная ўдзельніца змагла не толькі атрымаць новыя веды, але і раскрыць свой унутраны патэнцыял, здабыць гармонію і ўпэўненасць у сабе. Платформа накіравана на выхаванне жаночай энергіі праз баланс чатырох ключавых складнікаў: розуму, вобразу, слова і цела.

Правядзенне «Тэрыторыі росту» ў БрДТУ — значная падзея, бо гэта мерапрыемства ўключана ў Рэспубліканскі план мерапрыемстваў да года беларускай жанчыны. Ініцыятарам стварэння платформы выступіў Моладзевы савет пры Савеце Рэспублікі Нацыянальнага сходу Рэспублікі Беларусь.

У рамках праграмы адбыўся адкрыты дыялог на тэму эмацыйнага інтэлекту. Спікерам сустрэчы стала Амбасадор платформы, сямейны псіхолаг Вікторыя Протас. Яна падзялілася з удзельніцамі практычнымі інструментамі для развіцця эмацыйнай пісьменнасці, распавяла, як кіраваць сваімі пачуццямі і выкарыстоўваць ўнутраную энергію для дасягнення гармоніі ва ўсіх сферах жыцця.

Атмасфера сустрэчы была натхняльнай і падтрымліваючай. Адкрыты дыялог дазволіў задаць хвалюючыя пытанні, атрымаць прафесійныя парады і адчуць сябе часткай вялікай супольнасці, дзе цэняць жаноцкасць, інтэлект і асобасны рост.